«Адолат» - янги имкониятлар йўли

Избоскан тумани, Ойбек МФЙда яшовчи 1-гуруҳ ногирони Минура Абдулазизова 1999 йилда туғилган. Имконияти чекланган бўлишига қарамай, суратлар чизади, қандолатчилик билан шуғулланади. Тенгдошлари каби давлатимиз томонидан ёшларга берилган имкониятлардан самарали фойдаланиб, доим ўз иқтидорини кўрсатиш ҳаракатида.

Дилфуза Аҳмедова, Ўзбекистон “Адолат” СДП Избоскан туман кенгаши раиси:
- Маҳалла фаоллари Минура тўғрисида гапирганда, бизда ҳам унга нисбатан қизиқиш уйғонди. “Партия патронажи” лойиҳаси доирасида хонадонига кириб бордик. Қарангки, у партиямизнинг сайловолди дастури, фаолияти билан яқиндан таниш экан. Ёшларга бўлган эътиборимиз ҳам уни қувонтирди. Шу куннинг ўзида сафимизга қўшилди.
Минура Абдулазизованинг қувончи чексиз. У: “Адолат” партияси менинг имкониятимни кенгайтирди, энди янада фаол бўламан, - дея ўз режаларини билдирди.

Ўзбекистон “Адолат” СДП
Андижон вилоят кенгаши
Матбуот хизмати.