Депутатлар ташаббус билан чиқди

Аҳоли бандлигини таъминлаш ҳамма вақт долзарб вазифа. Бу борада МФЙ фаоллари ва маҳаллий кенгаш депутатлари томонидан ҳамкорликда иш олиб борилаётгани эътиборли.
Олий Мажлис Қонунчилик палатаси депутати Мавлуда Адҳамжонова бошчилигида Ўзбекистон “Адолат” СДПдан сайланган халқ депутатлари Андижон туман кенгаши депутатлари Нўхатак маҳалласида бўлиб, айни шу йўналишда олиб борилаётган ишларни ўргандилар. Ўз-ўзини банд қилиш, тадбиркорлик ва хусусий сектор вакиллари томонидан яратилган янги иш ўринлари ишсиз фуқароларнинг бандлигини таъминлашга хизмат қилмоқда.
Замира Аҳмедова, халқ депутатлари Андижон туман кенгаши депутати:
- Фуқаролар мурожаатларининг аксарияти бандлик масаласига бориб тақалади. Шундан келиб чиқиб, ҳар бир маҳаллага кириб боришга қарор қилдик.Тадбиркорлик субъектларидаги мавжуд иш ўринларини ўрганиб, фуқароларга таклиф қиляпмиз. Ўз яшаш ҳудудида ишли бўлиш аёллар учун қулай.
Нўхатакда депутатлар кўмаги билан 14 нафар вақтинча ишсиз хотин-қиз ишга жойлаштирилди. Натижада уларнинг фаоллиги ошди, оилаларига барака киради.

Ўзбекистон “Адолат” СДП
Андижон вилоят кенгаши
Матбуот хизмати.