Депутатнинг бир куни

 Халқ депутатлари Янгиариқ туман Кенгаши депутати Шавкат Худайбергановнинг сайловчилари билан  бу галги учрашуви  ҳам  самарали кечди.

Тумандаги  “Янги ер” маҳалласи аҳолиси  маҳалладаги ички йўлларнинг яроқсизлиги  боис ёғингарчиликли кунларда  йўловчилар  учун қийинчиликлар туғдираётгани тўғрисидаги баёни депутат Ш.Худайбергановнинг эътиборидан жой олди, депутат муаммони ўрганиб чиқди  ва туман коммунал хўжалик бошқармасига депутатлик сўрови жўнатилди. Депутатлик сўровининг  ижроси депутат томонидан назоратга олинди.

 Ушбу маҳаллада яшовчи кам таъминланган оила аъзоси Зулфия Қурязова 2014 йилда туғилган фарзанди Авазбек Ёдгоровнинг юраги касаллиги,  жарроҳлик йўли билан даволашга  маблағдан қийналаётганини гапирди. Бу муаммо ҳам депутатнинг диққатини торти ва  тумандаги “Қўриқ том” қишлоқ врачлик пункитида тиббий кўрикдан ўтказилди. А.Ёдгоровда туғма юрак нуқсони борлиги аниқланди ва рўйхатга олинди. Шунингдек, депутатнинг саъй-ҳаракатлари билан бемор  вилоят диагностика марказига олиб келинди, қайтадан  тажрибали шифокорлар  кўригидан ўтказилди.  Тегишли ҳужжатлар шакллантирилиб, туман ҳокими номига беморни  жарроҳлик йўли билан соғлигини тиклаш учун амалий ёрдам сўраб депутатлик сўрови билан ҳамда оғзаки мурожаат этди. Айни пайтда жарроҳлик муолажа учун туман ҳокимлигининг саъй-ҳаракатлари билан туманда фаолият юритаётган тадбиркорларнинг ҳомийликка жалб  қилиш ишлари  бошлаб юборилди.

Депутат ташаббуси билан “темир дафтар” рўйхатида турган Шаҳноза Раҳимованинг мурожжатига асосан,  уйини таъмирлаш учун  ҳомийлар кўмагида 500 минг сўмлик қурилиш материаллари етказиб берилди.

Шунингдек, туман Кенгаши сессиясида мактаблар фаолиятини бошлашдан олдин нафақат ўқитувчилар, балки ўқувчилар ҳам  коронавирусга тест топширишлари кераклиги тўғрисидаги таклифи эътиборга олинди ва бу таклиф туман миқёсида амалга оширилди.

Карантин талабларига амал қилиш, тиббий ниқобсиз кўчага чиқмаслик,  масофа сақлаш, одамлар гавжум жойларга бормаслик, санитария – гигиена талабларига риоя этиш каби тарғибот ишлари олиб борилди. Карантин талабларини бузган фуқаролар билан яккама-якка суҳбатлар ўтказилди  ва бошқа такрорламасликка  даъват этилди.

Ш.Худайберганов пандемия даврида кам таъминланган, боқувчисини йўқотган, эхтиёжманд 20 дан зиёд оилаларни  озиқ-овқат маҳсулотлари билан таъминлади.

   Депутатларимиз томонидан амалга оширилган бу каби амаллар,  фуқароларнинг  яшаш шароитини яхшилашга хизмат қилиши билан аҳамиятлидир.

                                                                                                               Замира АБДУЛЛАЕВА,

                                                                                                           Ўзбекистон “Адолат” СДП

                                                                                 Хоразм вилоят

Кенгаши матбуот котиби