Конференцияда ёшларни қийнаб келаётган муаммолар ўрганилди

Куни кеча Яккасарой туманидаги 135 мактабда Ўзбекистон “Адолат” СДП Ёшлар қаноти Тошкент шаҳар Кенгашининг 2015-2020 йил якунларига бағишланган  IV хисобот-сайлов конференцияси ўтказилди. Давра суҳбати шаклида кечган мазкур конференцияда партия ташкилотининг шаҳар ва туман Кенгаши вакиллари, депутатлар, Ёшлар қаноти аъзолари иштирок этишди.

Унда партия Ёшлар қанотининг ўтган беш йиллик фаолияти якунлари бўйича амалга оширилган ишлари кенг таҳлил қилинди. Шунингдек, бугунги кунда Ёшларни қийнаб келаётган баъзи муаммолар атрофлича муҳокамадан ўтказилди. Жумладан, мактаблардаги бўш ётган биноларни аукционга қўйишда енгиллик киритиш зарурлиги маълум қилинди. Аксинча ҳолатда аукционда ютиб чиққан шахснинг бинони ижарага олишдаги ва бирор бир фаолиятни йўлга қўйишда маҳсулот ёки субьект таннархининг баландлашига олиб келиши ва бу жараённи кўп ҳолларда ижтимоий аҳволи кўтармайдиган ўқувчилар қабул қила олмаслиги айтиб ўтилди. Шунингдек, ўқитувчиларни ишга қабул қилишда номуайян шартноманинг ўрнига  бир йиллик шартномаларни имзолаш таклифи келтирилди. Бу ҳолат ўз навбатида ўқитувчининг ўқувчиларга билим бериш самарадорлигини оширишга хизмат қилиши таъкидланди. Ўқувчиларга тадбиркорлик ишларини ўргатиш бўйича янгича тизим ишлаб чиқилиши ҳамда бунга керакли мутахассисларни жалб қилиш зарурлиги ҳам таклифлар кўламида акс этди. Ўқув марказларини мактаблар билан узвий алоқада ҳамкорликда иш олиб бориши айни ислоҳотларнинг натижадорлигини таъминлаши мумкинлиги қайд этилди. Давра суҳбатида Ёшлар ишлари агентлигининнг ёшлар етакчилари ҳам муаммолар бўйича ўз фикр-мулоҳазаларини билдириб ўтишди.

Муҳокамалар жараёнида билдирилган таклифлар навбатдаги шаҳар сессиясига масала сифатида олиб кириладиган бўлди.

Меҳринисо БОБОНАЗАРОВА,

Ўзбекистон “Адолат” СДП

Тошкент шаҳар Кенгаши

матбуот котиби