Ўзбекистон жангчи фахрий Ветеранларига табрик

Ҳурматли Ўзбекистон жангчи фахрий Ветеранлари!

Бугун, Ўзбекистон жангчи фахрий Ветеранлари бирлашмаси ташкил этилганлигига 30 йил тўлди. Ушбу сана муносабати билан Ўзбекистон «Адолат» социал-демократик партияси Сиёсий Кенгаши аъзолари ва партия Марказий аппарати жамоаси номидан мамлакатимизнинг барча жангчи фахрий ветеранларини самимий муборакбод этамиз.
Шуни алоҳида эътироф этиб ўтишимиз керак-ки, Ўзбекистон жангчи фахрий Ветеранлари бирлашмасининг юртимизда истиқомат қилаётган фахрий жангчилари, уларнинг оила аъзоларини қўллаб-қувватлаш, моддий, маънавий кўмак кўрсатиш борасида йиллар давомида амалга ошириб келаётган ишлари ҳар бир ватандошимиз учун юксак ибрат намунасидир.
Қолаверса, Ўзбекистон жангчи фахрийлари Ветеран бирлашмаси ёш авлодни она-Ватанга муҳаббат, юксак фидойилик ва меҳнатсеварлик руҳида тарбиялашдек шарафли ишга бош-қош бўлиб келаётганлиги билан партиявий ғояларимизга ҳамоҳанглик касб этади.
Қадрли, Ўзбекистон жангчи фахрий Ветеранлари!
Сизларни Ўзбекистон жангчи фахрий Ветеранлар бирлашмаси ташкил этилганлигининг 30 йиллик тантанаси билан яна бир бор муборакбод этган ҳолда, барчангизга оилавий тинчлик-хотиржамлик, сиҳат-саломатлик, фаолиятингизга улкан ривожлар тилаб қоламиз!

Робахон МАХМУДОВА,
«Адолат» СДП Сиёсий Кенгаши раиси