Саховатпеша депутат эҳтиромга лойиқ

Маълумки,  Ўзбекистон “Адолат” СДП эсдалик нишони  партия фаоллари, депутатлари ҳамда ҳамкор ташкилот раҳбарларига  рағбат сифатида тақдим этилмоқда.

Партиямизнинг жонкуяр депутатларидан  “Урганч Трансгаз унитар кархонаси” раҳбари, Хонқа туман Кенгаши  депутати Аминбой Аминов ҳам  мазкур эсдалик нишонга сазовор бўлгани қувонарлидир.

А.Аминов депутат сифатида партиямиз фаолиятига  муносиб ҳиссасини қўшиб келмоқда. Айниқса, саховатпеша депутатимиз  пандемия даврида бор имконият ва маҳоратини ишга солиб юртдошларимизнинг дардига  малҳам бўлди.

Депутат пандемиянинг илк кунларида тиббий ниқобларнинг  етишмовчилигини олдини олиш, коронавирусга чалинган беморларни кислород балонлари билан таъминлашда жонбозлик кўрсатди. Қанчадан қанча фуқаролар депутатнинг кўмаги билан  карантин сабаб яшаш шароити оғирлашиб қолишдан  ҳоли бўлишди.

Ҳар доим ҳайр-саховат,  эзгу-амаллар  бошида  бўлаётган  жонкуяр депутатимизни эсдалик нишони билан қутлаймиз ва ишларига омад тилаймиз.

                                                                                                             Замира АБДУЛЛАЕВА,

                                                                                                      Ўзбекистон “Адолат” СДП

                                                                               Хоразм вилоят Кенгаши матбуот котиби