Депутатнинг пешкулик ўқувчилар билан учрашуви

Олий Мажлис Қонунчилик палатаси депутати Таваккал Чориев ва Ўзбекистон “Адолат” СДП Бухоро вилоят Кенгаши раиси Мақсуд Ҳамидов, партия Пешку туман Кенгаши фаоллари билан биргаликда туманидаги 4-сон мактабида бўлишиб, мактабнинг фаолияти, яратилган шарт-шароитлар ҳамда чақирувга қадар бошланғич тайёргарлик фанининг дарс жараёни кўздан кечиришди.
Депутат мазкур мактабда чақирувга қадар бошланғич тайёргарлик фани ўқитилиши ва ёшларни ватанпарварлик руҳида тарбиялаш соҳасида олиб борилаётган ишлар билан яқиндан танишди.
Тадбир давомида чақирувга қадар бошланғич тайёргарлик фанининг моддий-техник таъминоти, ўқув хоналарини жиҳозлаш, шунингдек, дарслик, ўқув-методик қўлланмалар билан таъминланганлигига ҳам эътибор қаратилди.
Айтиш керакки, ёшларнинг ижтимоий фаоллигини ошириш, иқтидори, истеъдоди ва ташаббусларини рағбатлантириш, уларни ҳаётда ўз ўринларини топишга кўмаклашиш, ёшларни ватанпарварлик руҳида тарбиялаш ҳамда уларнинг интеллектуал жиҳатдан камол топишини ва маънавий ривожланишини таъминлаш асосий вазифаларимиздан биридир. Шунингдек, ўрганишлар жараёнида Олий Мажлис Қонунчилик палатаси депутати ҳамда партия фаоллари томонидан ёшларни ҳарбий хизматга юбориш учун кенг кўламли тарғибот ишлари олиб борилиб, керакли фикр-мулоҳазалар ва таклифлар берилди.

Исмоил БОЗОРОВ,
Олий Мажлис Қонунчилик палатаси депутати ёрдамчиси.