“Сиёсатчи аёллар” гуруҳи вақтинча ишсиз аёллар билан суҳбатлашади

Ўзбекистон “Адолат” СДП Андижон вилоят Кенгаши сафидаги хотин-қизлар орасида турли соҳа вакиллари қатори ҳуқуқшунослар кўпчиликни ташкил этади. Вилоят кенгашидаги Аёллар қаноти ташаббуси билан ташкил этилган “Сиёсатчи аёллар” гуруҳидан ана шу ҳуқуқшунослар ўрин олди.

-Мақсадимиз сайловлар арафасида хотин-қизлар орасида сайлов қонунчилиги ва ҳуқуқий маданиятни юксалтиришга қаратилган тарғибот тадбирларини ўтказиш,-дейди Ўзбекистон “Адолат” СДП Андижон вилояти кенгаши раиси ўринбосари Малохатхон Мусаева - Ана шу мақсадда ўз иш режамизни ишлаб чиқдик. Биринчи навбатда уйда вақтинча ишсиз ўтирган аёллар билан суҳбатлашишни ўз олдимизга мақсад қилиб қўйдик.

 Андижонлик сиёсатчи хотин-қизлар томонидан айни кунларда “Менинг овозим-менинг тақдирим” мавзусида давра суҳбатлари ташкил этилмоқда.                                                          

Зарина НАЗИРОВА, 

                                                Ўзбекистон “Адолат” СДП Андижон

                                                                 вилояти кенгаши мутахассиси