Ташрифнинг илк манзили Олот тумани бўлди

Барчамизга маълумки, Президент Шавкат Мирзиёевнинг Бухорога ташрифи давом этмоқда. Давлат раҳбарининг илк манзили Олот тумани  бўлди. 2020 йил 27 апрель куни Бухоро вилоятига жанубдан кучли шамол кириб катта талофатларга сабаб бўлган эди. Ўша куннинг ўзидаёқ, Президентимиз Олотга ташриф буюриб, аҳолига катта ишонч, куч ҳадя этган эдилар. Янги Ўзбекистонда янги Олотнинг пайдо бўлиши учун бирдамликда иш олиб боришларини айтиб халқ дардига малҳам бўлган эдилар. Қарангки, муҳтарам юртбошимиз чекка туманнинг қишлоқ аҳолиси вакиллари билан мулоқот жараёнида бу туманга ҳали яна қайтишларини, янгидан қад ростлаган хонадонларга ташриф буюришларини айтган эдилар. Ташрифнинг илк манзили Олот тумани бўлди. Муҳтарам юртбошимиз уй-жойлар, инфратузилма ва экинларга кучли шамол катта зарар етказган жойларни қанчалар обод бўлганини кўздан кечирди. Шу билан бир қаторда маҳаллий аҳоли вакиллари ва мутасадди ҳокимликлар билан ҳам учрашди.

-Халқнинг сабр-тоқати, бирдамлиги, ҳамжиҳатлиги билан бугун мана шундай катта орзу мақсадларимизга етишдик – дейди, давлат раҳбари мулоқот чоғида.

Халқ орасида халқ дарду ташвиши билан яшаш, аҳоли фаровонлигини оширишга қаратилган ишларни изчил давом эттирилишини биз барчамиз таъбир жоиз бўлса, давлат раҳбаридан ўрганишимиз керак, деб биламан.

Мақсуд ҲАМИДОВ,       

             партиянинг Бухоро вилоят кенгаши раиси, халқ депутатлари вилоят кенгаши депутати