Аёли қадр топган юртнинг оналаримиз!

Хотин-қизларга эътибор давлат сиёсати даражасида. Аёлларимиз жамиятнинг барча жабҳаларида фаол бўлиб, катта илмий салоҳият, ҳаётий тажрибага эга турли касб эгаларидир ва уларга имкониятлар яратилган.
Жорий йилнинг 1 Апрель куни Халқ депутатлари Бухоро вилоят Кенгаши депутати Г. Равшанова ҳамда Халқ депутатлари Бухоро шаҳар Кенгаши депутат О. Рофиевалар иштирокида Бухоро шаҳардаги С. Айний МФЙ партиянинг “Аёлларни сиёсий ҳуқуқий билимларини мустаҳкамлаш - демократик жамият пойдевори” лойиҳаси доирасида маҳалла хотин-қизлари билан учрашув ташкил этилди.

Сўзга чиққанлар жамиятда янги маънавий макон яратишда хотин-қизларнинг фаоллигини қўллаб-қувватлаш, фарзанд тарбияси, оила, хотин-қизлар маънавиятини юксалтиришда жамоатчиликка, энг аввало, ёшларга тарбиявий таъсир кўрсата оладиган обрў-эътиборли ва катта ҳаётий тажрибага эга бўлган, фаол ва ташаббускор аёлларнинг саъй-ҳаракатларини бирлаштириш борасида қилиниши лозим бўлган устувор вазифалар ҳақида атрофлича фикр-мулоҳазаларини билдиришди.
Яратилган шароитлардан миннатдор аёллар орасида ўқиш нияти борлар, тадбиркорлик билан шуғулланиш истагидагиларга алоҳида эътибор қаратилиб, уларнинг таклифлари ўрганилди. Ижобий ҳал этиш юзасидан тегишли чоралар белгиланди.
Семинар якунида таклифлар ўрганилиб, зарурий чора-тадбирлар белгиланди. Маҳалла олдида жамоатчилик асосида «Оналар боғи», кутубхона барпо этилишига келишиб олинди.

Гулнора Кенжаева
Ўзбекистон “Адолат” СДП
Бухоро шаҳар Кенгашининг
“Аёллар қаноти” раиси.